થોડા સમયથી યુવરાજસિંહ અનેક ઘટસ્ફોટ કરતા આવ્યા છે. સ્પર્ધાત્મક પરીક્ષામાં ડમી વિદ્યાર્થીઓ બેસવાનો મામલો હોય કે પછી પેપર ફૂટવાનો મામલો હોય આવા અનેક મુદ્દાઓ પર વિદ્યાર્થી નેતા યુવરાજસિંહ ખુલીને બોલ્યા છે. શિક્ષણ ક્ષેત્રમાં રહેલી ખામીઓ તેમજ ગુજરાતમાં વારંવાર પેપર ફૂટવા અંગે વાતો કરવા અનેક વખત મીડિયા સમક્ષ યુવરાજસિંહ બોલ્યા છે.

પરિવારને હેરાન કરાતા હોવાનો યુવરાજસિંહનો આરોપ!

ત્યારે ગઈકાલે યુવરાજસિંહે પોતાના સોશિયલ મીડિયા હેન્ડલ પર લાઈવ કર્યું હતું. જેમાં તેમણે પોતાની વેદના ઠાલવી હતી. અનેક વખત એવું કહીને ભાવુક થયા હતા કે મારા પરિવારને ખોટી રીતના હેરાન કરવામાં આવી રહ્યો છે. તેમણે એવું પણ કહ્યું કે અનેક વખત તેમને ખોટી રીતે ફસાવવાના પ્રયાસ કરવામાં આવ્યા છે. જે રીતે ફેમિલીને હેરાન કરે છે, હું કંટાળી ગયો છું. સિંહ પર ઘા કરી લેજે, સિંહના બચ્ચાને કે તેના પરિવારને નુકસાન થશે તો હું છોડીશ નહીં. જે બાદ જમાવટની ટીમે તેમનો સંપર્ક કર્યો હતો અને જાણવાનો પ્રયાસ કર્યો હતો કે તે કયા વ્યક્તિ વિશે વાત કરી રહ્યા હતા.  

Yuvrajsinh Jadejaએ કયા નેતા પર કર્યા ગંભીર આક્ષેપ?#yuvrajsingh #yuvrajsinghjadeja #shistam #sarkar #jamawat #jamawatupdate pic.twitter.com/JvYoFc8AuR

— Jamawat (@Jamawat3) April 13, 2023

પૂર્વમંત્રી પર યુવરાજસિંહે સાધ્યું નિશાન!

યુવરાજસિંહે પૂર્વમંત્રી પર નિશાન સાધ્યું હતું. તેમણે કહ્યું કે 'અનેક વખત તેમને રોકવા માટે પ્રયાસ કરવામાં આવ્યો છે. ફસાવવા અનેક ખોટા પુરાવાઓ ઉભા કરવામાં આવ્યા છે. અનેક કાવાદાવા કરવામાં આવ્યા છે. બદનામ કરવા સામ, દામ,દંડ ભેદની નીતિ અપનાવામાં આવી રહી છે. તેમણે કહ્યું કે આવનાર દિવસોમાં નામ સાથે એક એકને ખુલ્લા પાડવામાં આવશે. જેમણે મને ખોટી રીતે ફસાવવા, ધમકાવવાનો પ્રયાસ કર્યો છે હું નહીં છોડું. તેમણે કહ્યું હતું કે જે રીતે ફેમિલીને હેરાન કરે છે, હું કંટાળી ગયો છું. સિંહ પર ઘા કરી લેજે, સિંહના બચ્ચાને કે તેના પરિવારને નુકસાન થશે તો હું છોડીશ નહીં. હશે તમારા રાજકીય છેડા, રાજકારણમાં હશો. તમારૂં મંત્રી પદ તમારા કર્મોને કારણે ગયું છે. તમે હજારો વ્યક્તિઓની હાય લીધી છે. તમારા કર્મ ખોટા હતા, તમારા ધંધા ખોટા હતા એના કારણે તમારૂ પદ ગયું છે.'