રાજ્યમાં ફરી એક વખત વરસાદી માહોલ જામ્યો છે... અનેક વિસ્તારોમાં ગાજવીજ સાથે વરસાદ વરસી રહ્યો છે.. હવામાન વિભાગ દ્વારા પણ વરસાદને લઈ આગાહી કરવામાં આવી છે.. આજ માટે હવામાન વિભાગે કરેલી આગાહી મુજબ અનેક વિસ્તારો માટે યલો એલર્ટ આપ્યું છે.. આજ માટે કરેલી આગાહીની વાત કરીએ તો અમરેલી, ભાવનગર, નર્મદા, સુરત, તાપી, ડાંગ, વલસાડ. દમણ તેમજ દાદરા નગર હવેલી માટે યલો એલર્ટ આપ્યું છે... આગામી બે દિવસ વિવિધ જિલ્લાઓમાં વરસાદની આગાહી કરવામાં આવી છે.. અમદાવાદના પણ અનેક વિસ્તારોમાં વરસાદ વરસી રહ્યો છે.. 

ક્યાં માટે આપવામાં આવી આગાહી?

આગામી દિવસો માટે કરવામાં આવેલી આગાહીની વાત કરીએ તો અમરેલી. ભાવનગર, નવસારી, ડાંગ, વલસાડ, દમણ તેમજ દાદરા નગર હવેલી માટે યલો એલર્ટ આપવામાં આવ્યું છે.. 21 તારીખ માટે કરવામાં આવેલી આગાહીની વાત કરીએ તો અડધા ગુજરાત માટે યલો એલર્ટ આપવામાં આવ્યું છે.. જૂનાગઢ, અમરેલી, ગીર સોમનાથ, ભાવનગર, ભરૂચ, વડોદરા, છોટા ઉદેપુર, સુરત, તાપી, નવસારી, વલસાડ, દમણ તેમજ દાદરા નગર હવેલી માટે યલો એલર્ટ આપવામાં આવ્યું છે..

ઓક્ટોબરના છેલ્લા અઠવાડિયામાં વરસી શકે છે વરસાદ 

એન્ટી સાયક્લોનને કારણે વરસાદી ઝાપટા આવી રહ્યા છે..એન્ટી સાયક્લોન બનવાને કારણે વાતાવરણમાં રહેલો ભેજ ત્યાં ખેંચાય છે જેને કારણે વરસાદની શક્યતાઓ વધી જાય છે.. ઓક્ટોબર મહિનાના છેલ્લા અઠવાડિયામાં વરસાદ વરસી શકે છે.. રાજ્યના અનેક ભાગોમાં ભારેથી અતિભારે વરસાદ વરસવાની આગાહી કરવામાં આવી છે.. સૌરાષ્ટ્ર, દક્ષિણ ગુજરાતમાં ભારે વરસાદની શક્યતા વ્યક્ત કરવામાં આવી છે.. અરબ સાગરમાં બનેલી સિસ્ટમને કારણે ગુજરાતમાં વરસાદ આવી રહ્યો છે.. 

જગતના તાત પર વરસાદની પડી સૌથી ખરાબ અસર 

એક સમય હતો જ્યારે વરસાદ ક્યારે આવશે તેની રાહ જોઈ રહ્યા હતા.. પરંતુ હવે સમય એવો આવ્યો છે કે વરસાદ ક્યારે વિદાય લેશે તેનો વિચાર કરાઈ રહ્યો છે.. વધારે વરસાદ પડવાની સૌથી માઠી અસર ખેડૂતોને પડી છે.. ખેતરોમાં રહેલા પાક નિષ્ફળ ગયા છે.. ખેડૂતોને ભારે નુકસાન વેઠવું પડ્યું છે.. ખેડૂતોની માગ છે કે સરકાર જલ્દી નુકસાનીનો સર્વે કરાવે અને તેમને સહાય આપે.. ત્યારે જોવાનું એ રહ્યું કે સરકાર સર્વે ક્યારે કરે છે અને ખેડૂતોને સહાય ક્યારે મળે છે..