ગુજરાતમાં અકસ્માતોની સંખ્યામાં ભારે વધારો જોવા મળી રહ્યો છે. અકસ્માતને કારણે અનેક નિર્દોષ લોકો મોતને ભેટે છે. ત્યારે ગુરૂવાર સવારે અકસ્માત થવાને કારણે બે લોકોના મોત થયા હોવાની સમાચાર સામે આવ્યા છે. મહેસાણા જિલ્લામાં હિટ એન્ડ રનની બે ઘટનાઓ બની છે જેમાં નિર્દોષ લોકોએ પોતાનો જીવ ગુમાવ્યો છે. 

અકસ્માત થતા ખેડૂતનું થયું મોત 

મળતી માહિતી અનુસાર ઉંઝા કોડહા રોડ પર અજાણ્યા વાહન ચાલકે ખેડૂતને ટક્કર મારી દીધી હતી.  ખેતરમાં કામ કરવા જતા ખેડૂતને ટક્કર વાગતા તેઓ ગંભીર રીતે ઈજાગ્રસ્ત થયા હતા. ગંભીર રીતે ઈજાગ્રસ્ત થતા તેમનું મોત નિપજ્યું હતું. અકસ્માત સર્જી વાહનચાલક ઘટના સ્થળેથી ફરાર થઈ ગયો હતો. પોલીસે ઘટનાની જાણ થતા ગુન્હો નોંધી તપાસ શરૂ કરી દીધી છે.

બીજી અકસ્માતમાં વૃદ્ધા મોતને ભેટ્યા

બીજી અકસ્માતની ઘટના વિજાપૂર હિંમતનગર પાસે બની છે. મળતી માહિતી અનુસાર કનકપુરા ગામ પાસે અકસ્માત સર્જાયો હતો. અજાણ્યા વાહનચાલકે વૃદ્ધાનું મોત થયું છે. વૃદ્ધને ટક્કર મારી વાહન ચાલક ફરાર થઈ ગયો હતો. પોલીસે આ ઘટનાની જાણ થતા તપાસનો ઘમઘમાટ શરૂ કર્યો છે.