આજથી IND vs WI વચ્ચે શરુ થશે T20 સીરીઝ, આ ખેલાડીઓ કરી શકે છે ડેબ્યૂ, જાણો સંભવિત પ્લેઈંગ ઈલેવન


  • Published By :
  • Published Date : 2023-08-03 14:03:56

વેસ્ટ ઈન્ડિઝના પ્રવાસ પર ગયેલી ભારતીય ટીમની નજર ટેસ્ટ શ્રેણી અને વન-ડે શ્રેણી જીત્યાં બાદ આજથી શરુ થતી ટી20 શ્રેણી પર રહેશે. આજથી વેસ્ટ ઈન્ડિઝના ત્રિનિદાદમાં ભારત અને વેસ્ટ ઈન્ડિઝ વચ્ચે 5 મેચની ટી20 શ્રેણીની શરુઆત થવા જઈ રહી છે, જેનું નેતૃત્વ હાર્દિક પંડ્યા કરી રહ્યાં છે. જ્યારે વાઈસ કેપ્ટન તરીકે સૂર્ય કુમાર યાદવની નિયુક્તી કરવામાં આવી છે, ઉલ્લેખનીય છે કે કોહલી,રોહિત અને રાહુલ જેવા સિનિયર ખેલાડીઓને ટી20 શ્રેણી માટેની ટીમમાં સ્થાન આપવામાં આવ્યું નથી, તેથી તે ખેલાડીઓને આરામ આપવામાં આવ્યો છે. 

ભારતીય ટીમ આજે અનોખો રેકોર્ડ સ્થાપશે, આ ખેલાડીઓ કરી શકે છે ડેબ્યૂ


વેસ્ટ ઈન્ડિઝ સામે આજે ટી20 શ્રેણી રમવા ઉતરનાર ભારતીય ટીમ આજે એક અનોખો વિશ્વ રેકોર્ડ સ્થાપવા જઈ રહી છે, ભારત આજે તેની 200મી આંતરરાષ્ટ્રીય ટી20 મેચ રમશે, અને આવું કરનાર ભારત વિશ્વનો બીજો દેશ બનશે. આ પહેલાં પાકિસ્તાને પોતાની 200મી આંતરરાષ્ટ્રીય મેચ પૂર્ણ કરી છે, પાકિસ્તાનની ટીમ અત્યાર સુધી કુલ 223 આંતરરાષ્ટ્રીય ટી20 મેચ રમી છે. 


આજથી શરુ થતી ટી20 શ્રેણીમાં ભારત તરફથી 2 ખેલાડીઓ ડેબ્યૂ કરી શકે છે. આ બંને ખેલાડીઓ IPLના સ્ટાર ખેલાડીઓ છે, જેમાં મુંબઈ ઈન્ડિયન્સના ધમાકેદાર બેટર તિલક વર્મા આજે પોતાનું ટી20 ડેબ્યૂ કરી શકે છે, જ્યારે બીજી તરફ રાજસ્થાન રોયલ્સના ઓપનર યશસ્વી જયસ્વાલ પણ સંભવત રીતે પોતાનું ડેબ્યૂ કરી શકે છે. 


જાણો વેસ્ટ ઈન્ડિઝમાં ક્યાં રમાશે આ ટી20 શ્રેણી


ભારત અને વેસ્ટ ઈન્ડિઝ થતી આ ટી20 શ્રેણીની પહેલી મેચ આજે એટલે કે 3 ઓગસ્ટના રોજ ત્રિનિદાદમાં રમાશે, જ્યારે બીજી મેચ 6 ઓગસ્ટના રોજ ગુયાનામાં અને ત્રીજી મેચ પણ 8 ઓગસ્ટના રોજ ગુયાના ખાતે જ રમાવાની છે, ઉપરાંત ચોથી મેચ 12 ઓગસ્ટના રોજ ફ્લોરિડામાં અને છેલ્લી તેમજ પાંચમી મેચ પણ 13 ઓગસ્ટના રોજ ફ્લોરિડામાં જ રમાશે. જે માટેની સંભવિત ટીમ કંઈક આ પ્રમાણે છે.


વેસ્ટ ઈન્ડિઝ સામે ટી20 શ્રેણીની સંભવિત ભારતીય ટીમ 


ભારત : ઈશાન કિશન, શુભમન ગિલ, યશસ્વી જયસ્વાલ, તિલક વર્મા, સૂર્યકુમાર યાદવ (વાઈસ કેપ્ટન), સંજુ સેમસન (વિકેટે કિપર), હાર્દિક પંડ્યા (કેપ્ટન), અક્ષર પટેલ, યુઝવેન્દ્ર ચહલ, કુલદીપ યાદવ , રવિ બિશ્નોઈ, અર્શદીપ સિંહ, ઉમરાન મલિક, અવેશ ખાન અને મુકેશ કુમાર.


વેસ્ટ ઈન્ડિઝ : રોવમેન પોવેલ (કેપ્ટન), કાયલ મેયર્સ (વાઈસ-કેપ્ટન), જ્હોન્સન ચાર્લ્સ, રોસ્ટન ચેઝ, શિમરોન હેટમાયર, જેસન હોલ્ડર, શાઈ હોપ, અકીલ હુસૈન, અલઝારી જોસેફ, બ્રેન્ડન કિંગ, ઓબેડ મેકકોય, નિકોલસ પૂરન, રોમારિયો શેફર્ડ, ઓડિયન સ્મિથ અને ઓશેન થોમસ



21 ફેબ્રુઆરી એટલે વિશ્વ માતૃભાષા દિવસ...આ દિવસે કવિઓ અને લેખકો પોતાનો ભાષા પ્રત્યેનો પ્રેમ અને લાગણી વ્યક્ત કરવા વિશિષ્ઠ પ્રકારના આયોજન કરતા હોય છે, સર્વે સાથે મળીને ભૂતકાળમાં થઈ ગયેલા મહાન સાહિત્યકારો, લેખકો અને કવિઓને તથા તેમની રચનાઓને યાદ કરતા હોય છે.

ભાજપે કુલ 70 બેઠકોમાંથી 48 બેઠક જીતીને 30 વર્ષ બાદ દિલ્લીમાં પોતાની સત્તા સ્થાપી છે. આજ રોજ તા. 20 ફેબ્રુઆરીએ દિલ્લીનાં નવા મુખ્યમંત્રી રેખાબેન ગુપ્તાની શપથ વિધી થશે.

અમેરિકાએ 2025ની શરુઆત જ ત્યાં ગેરકાયદેસર વસતા લોકોને દેશમાંથી હાંકી કાઢવાથી કરી. હાલમાં એક વીડિયો સામે આવ્યો છે કે કેવી રીતે ગેરકાયદેસર પ્રવાસીઓને પાછા મોકલાઈ રહ્યા છે. નાગરિકોએ પોતાની આપવીતી જણાવી કે કેટલા અડધૂત કરીને તેમને પાછા મોકલયા છે.

નગરપાલિકાની 1844 બેઠકો પૈકી 167 બેઠકો બિનહરીફ હતી અને બાકીની 1677 બેઠક પર મતદાન થયુ હતુ. 167 બિનહરીફ બેઠકોમાંથી 162 પર ભાજપ, 1 પર કોંગ્રેસ છે અને 4 બેઠક અન્યનાં ખાતે છે