500 વર્ષથી વધુની રાહ જોયા બાદ અંતે આજે અયોધ્યાના રામ મંદિરમાં રામલલાની પ્રાણ પ્રતિષ્ઠા પૂર્ણ થઈ છે. રામ મંદિરના ગર્ભગૃહમાં રામલલા બિરાજમાન છે. જ્યાં તેમની આરતી ઉતારવામાં આવી હતી. અભિષેક બાદ વડા પ્રધાન નરેન્દ્ર મોદીએ તેમને શ્રદ્ધાંજલિ અર્પણ કરી હતી. ભગવાન રામના પ્રાણ પ્રતિષ્ઠાના આ ખાસ પ્રસંગે  દેશ અને દુનિયામાં ઉજવણીનો માહોલ છે. દેશ અને દુનિયામાં દિવાળી જેવો માહોલ છે.

ટોપ-10 સર્ચમાં રામ મંદિર

આજે એટલે કે 22મી જાન્યુઆરીએ Google પર પ્રાણ પ્રતિષ્ઠા વિશે અગાઉ કરતાં વધુ સર્ચ થયું છે. આ કદાચ પ્રથમ વખત છે જ્યારે Google Trends trends.google.com/trends/trendingsearchesના તમામ ટોપ-10 સર્ચ રામ મંદિર સાથે સંબંધિત છે. આ અગાઉ છેલ્લા 24 કલાકમાં એક જ વિષય પર આવો ટ્રેન્ડ જોવા મળ્યો નથી.

આ દેશોમાં પણ રામ મંદિર ટોપ સર્ચ પર 

સમગ્ર ભારત જ રામને સમર્પિત છે  તેવું નથી, વિદેશોમાં પણ આ રામ મંદિરને લઈને ઘણી સર્ચ થઈ રહી છે. ભારત ઉપરાંત મોરેશિયસ, નેપાળ, યુએઈ, સિંગાપોર, કેનેડા, ન્યુઝીલેન્ડ, ઓસ્ટ્રેલિયા, બાંગ્લાદેશ, મલેશિયા વગેરે દેશોમાં ટોપ ટેન સર્ચમાં રામ મંદિરનો સમાવેશ થાય છે.