શિયાળું સત્ર જ્યારથી શરૂ થયું છે ત્યારથી હંગામો થઈ રહ્યો છે. થોડા દિવસો પહેલા લોકસભાની કાર્યવાહી દરમિયાન સુરક્ષા ચૂક થઈ હતી જેનો વિરોધ વિપક્ષી સાંસદો દ્વારા કરવામાં આવી રહ્યો છે. બંને સદનોમાં ભારે હોબાળો થતા અનેક વખત સંસદની કાર્યવાહી સ્થગિત કરવામાં આવી છે. હોબાળાને પગલે 92 સાંસદોને આખા સત્ર માટે સસ્પેન્ડ કરવામાં આવ્યા છે. સસ્પેન્ડ કરવામાં આવતા તેનો વિરોધ આજે સંસદ પરિસરમાં વિપક્ષી સાંસદોએ કર્યો હતો. સરકાર વિરૂદ્ધ પ્રદર્શન કર્યું . સૂત્રોચ્ચાર સાંસદો કરી રહ્યા છે. આ વિરોધ પ્રદર્શનમાં રાહુલ ગાંધી પણ જોડાયા છે. મલ્લિકાર્જુન ખડગેએ માગ કરી છે કે સંસદમાં સુરક્ષા ચૂક મામલે અમિત શાહ સદનમાં નિવેદન આપે.