મિચેલ સ્ટાર્કે તોડ્યો કમિન્સનો રેકોર્ડ, KKRએ 24.75 કરોડમાં ખરીદ્યો, અન્ય ખેલાડીઓ કેટલામાં વેચાયા?


  • Published By :
  • Published Date : 2023-12-19 17:17:02

ઇન્ડિયન પ્રીમિયર લીગ (IPL)ની 17મી સિઝનનું ઓક્શન દુબઈમાં ચાલી રહ્યું છે. ઓસ્ટ્રેલિયાનો મિચેલ સ્ટાર્ક IPL ઈતિહાસનો સૌથી મોંઘો ખેલાડી બન્યો છે. તેને કોલકાતા નાઈટ રાઈડર્સે 24.75 કરોડ રૂપિયામાં ખરીદ્યો હતો, ગુજરાતે પણ તેના માટે અંત સુધી બોલી લગાવી હતી. આ જ ઓક્શનમાં ઓસ્ટ્રેલિયાનો પેટ કમિન્સ બપોરે 2:30 વાગ્યે 20.50 કરોડ રૂપિયામાં વેચાયો હતો. તેને સનરાઇઝર્સ હૈદરાબાદે ખરીદ્યો હતો. ઉલ્લેખનિય છે કે એક જ દિવસમાં બીજી વખત આ રેકોર્ડ તૂટ્યો છે. અગાઉ આજે જ ઓસ્ટ્રેલિયાના કેપ્ટન પેટ કમિન્સને સનરાઇઝર્સ હૈદરાબાદે રેકોર્ડ 20.5 કરોડમાં ખરીદ્યો હતો.


સ્ટાર્ક ખરીદવા માટે કોલકાતા-ગુજરાત વચ્ચે હોડ  


ઓસ્ટ્રેલિયાના ઝડપી બોલર મિચેલ સ્ટાર્ક માટે મુંબઈ ઈન્ડિયન્સ અને દિલ્હી કેપિટલ્સ વચ્ચે પ્રારંભિક બિડિંગ લડાઈ થઈ હતી. દિલ્હીએ રૂ. 9.60 કરોડ અને મુંબઈએ રૂ. 10 કરોડ સુધીની બોલી લગાવી હતી. અહીંથી ગુજરાત ટાઇટન્સ અને કોલકાતા નાઇટ રાઇડર્સ વચ્ચે બિડિંગ યુદ્ધ શરૂ થયું હતું. આખરે કોલકાતા નાઈટ રાઈડર્સે તેને 24.75 કરોડમાં ખરીદ્યો હતો.


આ છે IPL ઓક્સનના ટોપ-9 મોંઘા ખેલાડીઓ


(1)ઓસ્ટ્રેલિયાના વિશ્વ કપ વિજેતા કેપ્ટન પેટ કમિન્સને સનરાઈઝર્સ હૈદરાબાદે 20.50 કરોડ રૂપિયામાં ખરીદ્યો, તેની બેઝ પ્રાઈઝ બે કરોડ રૂપિયા હતા. 


(2)ન્યૂઝીલેન્ડના ડેરિલ મિચેલને ચેન્નઈ સુપરકિંગ્સે 14 કરોડ રૂપિયામાં ખરીદ્યો, તેની બેઝ પ્રાઈઝ એક કરોડ રૂપિયા હતી


(3)ભારતના હર્ષલ પટેલને 11.75 કરોડ રૂપિયામાં પંજાબ કિંગ્સે ખરીદ્યો, તેની બેઝ પ્રાઈઝ બે કરોડ રૂપિયા હતી.


(4)વેસ્ટ ઈન્ડિઝના ફાસ્ટ બોલર અલ્ઝારી જોસેફની બેઝ પ્રાઈઝ એક કરોડ રૂપિયા હતી. તેને રોયલ ચેલેન્જર્સ બેંગ્લોરે 11.50 કરોડ રૂપિયામાં ખરીદ્યો હતો.


(5)વેસ્ટ ઈંન્ડિઝના રોવમન પોવેલેની બેઝ પ્રાઈઝ એક કરોડ હતી. તેને રાજસ્થાન રોયલ્સે 7.40 કરોડ રૂપિયામાં ખરીદ્યો.


(6)ઓસ્ટ્રેલિયાના ટ્રેવિસ હેડની બેઝ પ્રાઈઝ બે કરોડ રૂપિયા હતી, તેને સનરાઈઝર્સ હૈદરાબાદે 6.80 કરોડ રૂપિયામાં ખરીદ્યો


(7)ભારતના ફાસ્ટ બોલર શિવમ માવીને લખનઉ સુપર જાયન્ટસે 6.40 કરોડ રૂપિયામાં ખરીદ્યો. તેની બેઝ પ્રાઈઝ 50 લાખ રૂપિયા હતી. 


(8)ગુજરાત ટાઈટન્સે ઉમેશ યાદવને 5.80 કરોડ રૂપિયામાં ખરીદ્યો, તેની બેઝ પ્રાઈઝ બે કરોડ રૂપિયા હતી.


(9)દક્ષિણ આફ્રીકાના ફાસ્ટ બોલર ગેરાલ્ડ કોએત્ઝીને મુંબઈ ઈન્ડીયન્સે પાંચ કરોડ રૂપિયામાં ખરીદ્યો, તેની બેઝ પ્રાઈઝ બે કરોડ રૂપિયા હતી.


સેટ-3-4માં માત્ર 3 ખેલાડીઓ વેચાયા


વિકેટકીપરના સેટ-3માં 5 ખેલાડીઓના નામ આવ્યા, પરંતુ માત્ર 2 જ ખરીદનાર મળ્યા. ટ્રિસ્ટન સ્ટબ્સને દિલ્હીએ 50 લાખ રૂપિયામાં ખરીદ્યો હતો. કેએસ ભરતને પણ કોલકાતાએ માત્ર 50 લાખ રૂપિયામાં ખરીદ્યો હતો. જ્યારે સેટ-4માં ચેતન સાકરિયાને કોલકાતા નાઈટ રાઈડર્સે 50 લાખ રૂપિયામાં ખરીદ્યો હતો.ફિલ સોલ્ટ, જોશ ઇંગ્લિસ અને કુસલ મેન્ડિસ અનસોલ્ડ રહ્યા.




હવે જો તમારો દિકરો પણ હૉસ્ટેલ કે છાત્રાલયમાં ભણતો હોય તો ચિંતા કરજો, સાવધાન રહેજો. એની સાથે રોજ વાતો કરજો અને મિત્ર બનીને રહેજો. કારણ કે હવે દિકરીઓ તો સલામત નથી પણ દિકરાઓ ય સલામત નથી. ધંધુકાના પચ્છમની ઘટના તમને યાદ હશે.. સગીર વયના વિદ્યાર્થી પર તેના જ છાત્રાલયના સગીરોએ સૃષ્ટિ વિરુદ્ધનું કૃત્ય કર્યું. ફરી પાછી એ જ ઘટના રાજકોટના જસદણના આંબરડીમાં દોહરાય છે.

મેરઠ મર્ડર કેસમાં જબરદસ્ત તપાસ ચાલી રહી છે પેહલી પોલીસ સ્તરે , બીજું સાયબર સેલ થકી અને ત્રીજું ફોરેન્સિક ટીમ દ્વારા . હવે ફોરેન્સિક ટીમે ખુબ ચોંકાવનારા ખુલાસા સામે રાખ્યા છે. જેમ કે , સાહિલ અને મુસ્કાન સૌરભના ટુકડાઓને સૂટકેસમાં ભરીને તેનો નિકાલ કરવા માંગતા હતા . પરંતુ સૂટકેસ નાની હતી . જેથી બીજા દિવસે મુસ્કાને એક ડ્રમ ખરીદ્યુ અને તેમાં શરીરના ટુકડાઓ રાખીને સિમેન્ટથી સીલ કરી દીધું . ફોરેન્સિક ટીમના જણાવ્યા અનુસાર, સૂટકેસમાં લોહીના ડાઘ મળ્યા છે.

૧ એપ્રિલ, ૨૦૨૫ થી, યુનાઇટેડ કિંગડમ, ઓસ્ટ્રેલિયા અને યુરોપિયન યુનિયન આંતરરાષ્ટ્રીય અરજદારો માટે વિઝા ચાર્જ અને ટ્યુશન ફીમાં વધારો કરશે. આ વધારો ટૂંકા ગાળાના વિઝિટર વિઝાથી લઈને વિદેશમાં મુલાકાત લેવા માટે જશો તો ચુકવા પડશે.વર્ક વિઝા હોય કે સ્ટુડન્ટ વિઝા દરેકને માટે તમામ ફી માં વધારો ઝીંકાયો છે

સુરતની 7 વર્ષીય વાકા લક્ષ્મી પ્રાગ્નિકાએ ફિડે વર્લ્ડ સ્કૂલ્સ ચેસ ચેમ્પિયનશિપ 2025ની અંડર 7 કેટેગરીમાં ગોલ્ડ મેડલ જીત્યો છે.વાકા લક્ષ્મીએ સર્બિયામાં યોજાયેલી આ ટૂર્નામેન્ટમાં 9 માંથી 9 પોઈન્ટ મેળવીને ગોલ્ડ પોતાને નામે કર્યો છે. વાકા ભારતનું પ્રતિનિધિત્વ કરતી તમામ વય શ્રેણીના ખેલાડીઓમાં ગોલ્ડ જીતનારી એકમાત્ર ખેલાડી બની છે.