આજથી 19 કિલોનું કોમર્શિયલ  LPG સિલિન્ડર સસ્તું થઈ ગયું છે. સરકારી ઓઈલ કંપનીઓએ કોમર્શિયલ સિલિન્ડરના ભાવમાં ધરખમ ઘટાડો કર્યો છે. આજે એટલે કે 1 જૂને LPG સિલિન્ડર સસ્તા થયા છે. આજથી સિલિન્ડર 83.5 રૂપિયા સસ્તો મળશે. આ ભાવ ઘટાડાનો લાભ રેસ્ટોરન્ટ અને હોટલ બિઝનેસ ચલાવનારાઓને થશે. આ ફેરફાર માત્ર કોમર્શિયલ સિલિન્ડરમાં જ થયો છે. જોકે, ઘરેલુ ઉપયોગ માટેના 14.2 કિગ્રા સિલિન્ડરના ભાવમાં કોઈ ફેરફાર કરવામાં આવ્યો નથી.

દર મહિને થાય છે સમીક્ષા 

અત્રે ઉલ્લેખનીય છે કે 1 મે, 2023ના રોજ કોમર્શિયલ સિલિન્ડર લગભગ 172 રૂપિયા સસ્તો થયો હતો, પરંતુ ઘરેલુ LPG સિલિન્ડરની કિંમતમાં કોઈ ફેરફાર થયો નહોતો. દિલ્હીમાં આજે ફરી એકવાર કોમર્શિયલ સિલિન્ડર 83.5 રૂપિયા સસ્તો થતાં હવે 1,773 રૂપિયામાં મળે છે. 1 મે, 2023 ના રોજ, દિલ્હીમાં ઘરેલુ એલપીજી સિલિન્ડરની કિંમત 1103 રૂપિયા હતી અને તે આજે પણ તે જ દરે ઉપલબ્ધ છે.

કયા શહેરમાં કેટલો ભાવ ઘટ્યો

મુંબઈમાં 19 કિલો કોમર્શિયલ ગેસ 1725 રૂપિયામાં વેચાઈ રહ્યો છે અને ચેન્નાઈમાં એલપીજીની કિંમત 1973 રૂપિયા છે. વાણિજ્યિક એલપીજી સિલિન્ડર દિલ્હીમાં 1856.50 રૂપિયાથી ઘટીને 1773 રૂપિયા પર 83.50 રૂપિયા થઈ ગયો છે. જ્યારે કોલકાતામાં તેની કિંમત 1960.50 રૂપિયાથી ઘટાડીને 1875.50 રૂપિયા કરવામાં આવી છે. મુંબઈમાં કોમર્શિયલ ગેસ રૂ. 83.50 સસ્તો થયો છે જે રૂ. 1808.50 થી રૂ. 1725 થયો છે. તે જ સમયે, ચેન્નાઈમાં એલપીજી ગેસ 2021.50 રૂપિયાથી ઘટીને 84.50 રૂપિયા થઈ ગયો છે અને તે 1937 રૂપિયા પર પહોંચી ગયો છે.બિહારની રાજધાની પટનામાં 19 કિલોના કોમર્શિયલ ગેસ સિલિન્ડરની કિંમત 2037 રૂપિયા છે, જ્યારે જયપુરમાં કોમર્શિયલ ગેસ સિલિન્ડરની કિંમત 1796 રૂપિયા છે જ્યારે ઘરેલું સિલિન્ડરની કિંમત 1106.50 રૂપિયા છે. ઈન્દોરમાં કોમર્શિયલ ગેસ સિલિન્ડર 1877 રૂપિયાનો છે, ઘરેલુ 1131 રૂપિયાનો છે.