.jpg "The News Reporter")
પોરબંદરના નવી બંદર ખાતે ચૂંટણી બંદોબસ્ત માટે આવેલા ઈન્ડિયન રિઝર્વ બટાલિયનના જવાનો વચ્ચે ગોળીબાર થયો હતો. ગોળીબારની અંદર 2 જવાનોના મોત થયા છે અને 2 જવાન ઈજાગ્રસ્તોને પોરબંદર શહેરની ભાવસિંહજી હોસ્પિટલ સારવાર માટે લઈ જવાયા હતા.
અગમ્ય કારણોસર જવાનોએ એકબીજા પર ચલાવી ગોળી
નવી બંદર સાયક્લોન સેન્ટર પર ઈન્ડિયન રિઝર્વ બટાલિયનના જવાનો વચ્ચે ફાયરિંગ થતાં પોલીસ ઘટના સ્થળે દોડી આવી હતી. પોરબંદર શહેરની લોકલ ક્રાઈમ બ્રાન્ચ સહિત સ્પેશિયલ ઓપરેશન ગ્રુપના લોકો પણ પહોંચી આવ્યા હતા. પોલીસે તપાસ કરી રહી છે કે જવાનો વચ્ચે ફાયરિંગ થયું તે કયા કારણથી થયું હતું. પ્રાથમિક રીતે લાગી રહ્યું છે ચૂંટણીની કામગીરી મામલે ઝઘડો થયો હતો અને ઝઘડો ઉગ્ર થતાં ગોળીબાર થયો હતો.
