આજે રક્ષાબંધનનો તહેવાર છે.. ભાઈ બહેનનો તહેવાર છે.. ભાઈ બહેન ગમે તેટલું કેમ ના ઝઘડે પરંતુ એક બીજાથી અલગ નથી રહી શકતા. એક જ્યારે દુ:ખી હોય ત્યારે તેનું દુ:ખ જોઈ તે પણ દુ:ખી થઈ જાય છે.. માતા પિતા સિવાય ભાઈ બહેન જ એવા હોય છે જેમને આપણે પોતાના કહી શકીએ છીએ. એવા લોકો જે આપણી પ્રગતિ જોઈ દિલથી ખુશ થાય, આગળ વધીએ તો પણ તે રાજી રાજી થઈ જાય. એકબીજાને ભાઈ બહેન ચીડવે પરંતુ જ્યારે મમ્મી કે પપ્પા કોઈને બોલે તો તેના પડખે આવીને ઉભા રહે.. ત્યારે સાહિત્યના સમીપમાં પ્રસ્તુત છે ભાઈ બહેનના પ્રેમને સમર્પિત રચના.. આ રચના કોની છે તે અમને ખબર નથી જો તમને ખબર હોય તો અમને કમેન્ટમાં જણાવજો.. આપ સૌને રક્ષાબંધનની ખૂબ ખૂબ શુભેચ્છા..

નાનપણમાં સાથે જમીએ

એકબીજાના વાળ ખેંચીએ

રમકડાં માટે ઝગડીએ

એવો ભાઈ-બહેનનો પ્રેમ

નિશાળમાં હોઈએ ત્યારે

ટીવી રિમોટ માટે ઝગડીએ

એકબીજાને ચીડવીએ 

મમ્મીને જઈને ફરિયાદ કરીએ

એવો ભાઈ બહેનનો પ્રેમ

કોલેજમાં આવીએ ત્યારે

એકબીજાની ઉતારી પાડીએ

એકબીજાને ભણવામાં મદદ કરીએ

એકબીજાની છાની વાતો ઉઘાડી પાડવાની ધમકી આપીએ

એવો ભાઈ બહેનનો પ્રેમ

લગ્ન પછી બેઉ નાનપણના દિવસોને યાદ કરીએ

જુના દિવસો યાદ કરીને હસીએ

અને એકબીજાને મળવાની રાહ જોઈએ

એવો ભાઈ બહેનનો પ્રેમ

રક્ષાબંધનના દિવસે બહેન ભાઈને રાખડી બાંધે

ભાઈ માટે રક્ષા માગે

ને ભાઈ બહેનને કાંઈ ગિફ્ટ જ ના આપે

એવો ભાઈ બહેનનો પ્રેમ

ભાઈ બહેન માટે જીવ પણ આપે

એની ઢાલ બનીને ઉભો રહે

અને ક્યારેક ખીજાઈ પણ લે

એવો સુંદર મજાનો ભાઈ બહેનનો પ્રેમ