ગુજરાતમાં આ વખતે ત્રિ-પાંખીયો જંગ જામવાનો છે. ત્યારે આમ આદમી પાર્ટી પણ પૂરજોશમાં પ્રચાર કરી રહી છે. આપ વિવિધ પ્રકારથી પોતાનો પ્રચાર કરી રહી છે. ત્યારે ગોપાલ ઈટાલિયાએ ટ્વિટર પર પોતાની દિકરીની તસ્વીર શેર કરી છે જેમાં તેમની દિકરી આમ આદમી પાર્ટીનો પ્રચાર કરતી નજરે પડી રહી છે.

પુત્રીનો ફોટો શેર કરી કર્યો આપનો પ્રચાર  

કોંગ્રેસ, ભાજપ તેમજ આમ આદમી પાર્ટી પોતાના પ્રચાર પર વધારે ધ્યાન આપી રહી છે. ત્રિ-પાંખીયો જંગ જામવાનો છે. આમ આદમી પાર્ટીનો પ્રચાર અરવિંદ કેજરીવાલ તેમજ ભગવંત માન કરી રહ્યા છે. ઉપરાંત ગોપાલ ઈટાલિયા તેમજ ઈસુદાન ગઢવી પણ આપનો પ્રચાર કરી રહ્યા છે. ત્યારે ગોપાલ ઈટાલિયાએ પોતાની દિકરીને બે તસ્વીર શેર કરી છે અને ગોપાલ ઈટાલિયાએ કેપ્શન આપ્યું છે.  

મારી સુપરસ્ટાર કેમ્પેનર - ગોપાલ ઈટાલિયા 

એક તસ્વીરમાં ગોપાલની દિકરી વૈદેહી આપની ટોપી પહેરેલી નજરે પડે છે જ્યારે બીજા ફોટામાં આમ આદમી પાર્ટીને મત આપવાની અપીલ કરે છે. કેપ્શનમાં ગોપાલ ઈટાલિયાએ લખ્યું કે મારી સુપરસ્ટાર કેમ્પેનર વૈદેહી તેના પિતા માટે પ્રચાર કરી રહી છે.