ઉત્તર પ્રદેશના લખીમપુર ખેરી જિલ્લામાં એક મોટો માર્ગ અકસ્માત થયો છે. આ અકસ્માતમાં અનેક મહિલાઓ સહિત છ મુસાફરોના મોત થયા હતા. આ ઘટનામાં ઘણા લોકો ઘાયલ પણ થયા છે. ઘાયલોને હોસ્પિટલમાં દાખલ કરવામાં આવ્યા છે.મળતી માહિતી મુજબ લખીમપુર ખેરી જિલ્લાના પીલીભીત બસ્તી હાઈવે પર શારદા પુલ પાસે બસ અને ટ્રક વચ્ચે જોરદાર ટક્કર થઈ છે. આ દુઃખદ અકસ્માતમાં 12થી વધુ લોકો ઘાયલ થયા છે. છ લોકોના મોત પણ થયા છે. મૃત્યુઆંક વધી શકે છે. કેટલાક ઘાયલોની હાલત ગંભીર હોવાનું જણાય રહ્યું છે.

પોલીસે ઘટનાસ્થળે પહોંચીને મૃતદેહનો કબજો મેળવીને પોસ્ટમોર્ટમ માટે મોકલી આપ્યો હતો. સાથે જ ઘાયલોની હોસ્પિટલમાં સારવાર ચાલી રહી છે.