.jpg "The News Reporter")
રિલાયન્સ જીઓએ ઈલોન મસ્કની કંપની સ્પેસએક્સ સાથે સ્ટારલિંકનું સેટેલાઇટ બેઝ્ડ ઈન્ટરનેટ આપવા માટે કરારો કર્યા છે . તો ગયિકાલે આવા જ કરારો એરટેલે સ્પેસ એક્સ સાથે કર્યા હતા . આમ ભારતના ટેલિકોમ સેક્ટરની બે મોટી કંપનીઓએ ઈલોન મસ્કની કંપની સ્પેસએક્સ સાથે સ્ટારલિંકનું ઈન્ટરનેટ આપવા માટે રસ બતાવ્યો છે . તો આવો જાણીએ આ સ્ટારલિંકના સેટેલાઇટ બેઝ્ડ ઈન્ટરનેટ વિશે .
રિલાયન્સ જીઓએ તેના પ્લેટફોર્મ X ના ઓફિસિયલ એકાઉન્ટ પર ટ્વીટ કરીને ઈલોન મસ્કની કંપની સ્પેસ એક્સ સાથે સ્ટારલિંકનું સેટેલાઇટ બેઝ્ડ ઈન્ટરનેટ આપવા માટે કરારો કર્યાની જાહેરાત કરી છે . આવી જ જાહેરાત ગયિકાલે ભારતી એરટેલ દ્વારા પ્લેટફોર્મ X પર ટ્વીટ કરીને કરવામાં આવી હતી .
જોકે આ બને કરારોને ભારત સરકારના ગૃહ ખાતાની મંજૂરી મળવાની બાકી છે .
રિલાયન્સ જીઓ એ નક્કી કર્યું છે કે , સ્ટારલિંકના ઇકવીપમેન્ટ તે રીટેઈલ સ્ટોર પર ઉપલબ્ધ કરાવડાવશે .
આપને જણાવી દયિકે , અત્યારસુધી રિલાયન્સ જીઓ સ્ટારલિંક ઇન્ટરનેટની વિરુદ્ધમાં હતું કેમ કે , બેઉ કંપનીના વિચારો સેટેલાઇટ કોમ્યુનિકેશન માટે સ્પેક્ટ્રમ કેવી રીતે સોંપવું જોઈએ તે અંગે અલગ અલગ હતા . રિલાયન્સ જીઓ આ માટે હરાજીની તરફેણમાં હતું જયારે ઈલોન મસ્કની કંપની સ્પેસ એક્સ એ વહીવટી રીતે સ્પેકટ્રમ વહેંચવા પર ભાર મુક્યો હતો . અને ભારત સરકારે આ વહીવટી રીતે સ્પેક્ટ્રમ વહેંચવાના નિર્ણય પર મોહર મારી દીધી છે .
સ્પેસ એક્સએ અગાઉથી જ ભારત સરકારના ગૃહ મંત્રાલય સમક્ષ સેક્યુરીટી ક્લીયરન્સ મેળવવા પર અરજી કરી દીધી છે .
રિલાયન્સ જીઓએ આ કરારો પર વધારે પ્રકાશ પડતા કહ્યું છે કે , " સ્ટારલિંક તેના લો અર્થ ઓર્બીટ સેટેલાઇટ થકી દુર્ગમ વિસ્તારોમાં સસ્તા ભાવે ઈન્ટરનેટ પહોંચાડશે ઉપરાંત તે જીઓ એરફાઈબર અને જીઓ ફાઈબરની ક્ષમતામાં પણ વધારો કરશે. આ કરારોના લીધે ભારતનું ડિજિટલ ઇન્ફ્રાસ્ટ્રકચર મજબૂત થશે."
વાત કરીએ એરટેલની તો , તે પોતાના વનવેબ પ્રોજેક્ટ થકી અગાઉથી જ સેટેલાઇટ કમ્યુનિકેશનમાં હાજરી ધરાવે છે.
બે ટેલિકોમ દિગ્ગજો રિલાયન્સ જીઓ અને એરટેલ ભારતી હવે ફક્ત પરંપરાગત બ્રોડબેન્ડમાં જ નહીં પરંતુ સેટેલાઇટ ઇન્ટરનેટ સ્પેસમાં પણ સ્પર્ધા કરવા માટે તૈયાર છે.
તો આ રેસમાં આઈડિયા - વોડાફોન કદાચ પાછળ રહી જાય તે સંભવ છે .
તો હવે જાણીએ કેમ આ બેઉ કંપનીઓ સેટેલાઇટ બેઝ્ડ ઈન્ટરનેટ આપવા માટે ઉત્સુક છે?
ભારતમાં જે શહેરી વિસ્તારો છે ત્યાં જીઓ અને એરટેલ તરફથી હાય સ્પીડ ફાઈબર ઓપ્ટિકની મદદથી ખુબ હાય સ્પીડ ઈન્ટરનેટ મળે છે પરંતુ ગ્રામીણ વિસ્તારોમાં હજી પણ આવી હાઈસ્પીડ ઈન્ટરનેટ કનેક્ટિવિટી શક્ય બની નથી . ભારત સરકાર અને રાજ્ય સરકારોના તમામ પ્રયાસોના કારણે હજી પણ આપણા ત્યાં ઈન્ટરનેટ પેનિટ્રેશન માત્ર ૫૨ ટકા છે બાકીના ગ્રામીણ વિસ્તારોના ૭૦ કરોડ લોકો પાસે હજુ પણ હાય સ્પીડ નેટ ઉપલબ્ધ નથી .
વાત કરીએ સ્ટારલિંકની તો તે પૃથ્વીના લો અર્થ ઓર્બીટ એટલેકે , નીચી ભ્રમણ કક્ષામાં સ્થિત સેટેલાઇટસ થી ઈન્ટરનેટ આપશે . જે માટે તેને પરંપરાગત ઇન્ફ્રાસ્ટ્રકચરની જરૂર નઈ પડે . ભારતના હિમાલયના વિસ્તારો અને ઉત્તર પૂર્વીય વિસ્તારો માટે ખુબ મોટું ગેમ ચેન્જર બનશે કેમ કે , ત્યાં ઓપ્ટિકલ ફાઈબર અથવા તો સેલ ટાવર નાખવા શક્ય નથી અથવા તો ખુબ મોંઘા પડે છે .
પણ અહીં એક ખુબ મોટી એ પણ ચેલેન્જ છે કે , સ્ટારલિંકનું જે હાર્ડવેર છે તે ૨૫ હજારથી લઇને ૩૫ હજાર સુધીનું છે માટે તેનું ઈન્ટરનેટ માસિક સબસ્ક્રિપ્શન ૫ થી ૭ હજાર રૂપિયે મળી શકે છે . હાલમાં ભારતમાં સ્થિત બ્રોડબેન્ડ માસિક ૭૦૦ થી ૧૫૦૦ના રૂપિયે મળે છે . તો જોઈએ હવે રિલાયન્સ જીઓ અને ભારતી એરટેલના ઈલોન મસ્કની સ્પેસએક્સ સાથે સ્ટારલિંકનું ઈન્ટરનેટ આપવા માટેના કરારો ખરેખર ગ્રાહકોને ફાયદો કરાવશે કે કેમ તે તો ભવિષ્યના ગર્ભમાં છે .
તમારું આ વિશે શું માનવું છે અમને કોમેન્ટ બોક્સમાં લખીને જરૂર જણાવજો .
જો તમે અમને યૂટ્યૂબ પર જોઈ રહ્યા હોય તો સબ્સ્ક્રાઇબ કરો , ઇન્સ્ટાગ્રામ અને ફેસબુક પર જોઈ રહ્યા હોય તો ફોલો કરો .
