ભારે વરસાદને કારણે Gujaratની અનેક નદીઓ ગાંડીતૂર બની! કડાણા ડેમમાં પાણી આવતા મહી નદીમાં છોડાયું આટલા ક્યુસેક પાણી


  • Published By :
  • Published Date : 2023-09-18 12:40:01

ગુજરાતમાં ભારેથી અતિભારે વરસાદ અનેક જિલ્લાઓમાં વરસી રહ્યો છે. ભારે વરસાદ થવાને કારણે નદીઓમાં નવા નીરની આવક થઈ રહી છે. ડેમની સપાટી પણ સતત વધી રહી છે. સરદાર સરોવર ડેમમાં તો પાણીની આવક થતાં જળસપાટી મહત્તમ લેવલ પર પહોંચી છે પરંતુ ગુજરાતના અનેક એવા ડેમો છે જ્યાં પાણીની આવક થઈ રહી છે. ડેમમાં પાણીની આવક થતા ડેમનું પાણી નદીઓમાં છોડવામાં આવી રહ્યું છે. દેશભરમાં ભારે વરસાદ વરસી રહ્યો છે. મધ્યપ્રદેશ તેમજ રાજસ્થાનમાં ભારે વરસાદ વરસી રહ્યો છે. મહીસાગરમાં પણ ભારે વરસાદ વરસી રહ્યો છે. ભારે વરસાદ થવાને કારણે કડાણા ડેમમાં સતત પાણીની આવક થઈ રહી છે. કડાણા ડેમમાંથી 7.50 લાખ ક્યુસેક પાણી છોડાતા મહીસાગર નદી ગાંડીતૂર બની છે. કડાણા ડેમમાંથી 3 લાખ 75 હજાર ક્યુસેક જેટલું પાણી સતત મહીનદીમાં છોડવામાં આવ્યું છે.


 મહીસાગર: આણંદમાં મહી નદીએ રૌદ્ર રૂપ ધારણ કર્યું છે. મહીસાગર નદીકાંઠાના 22 ગામોને એલર્ટ અપાયું છે. ઉપરવાસમાં ભારે વરસાદ કડાણા ડેમ ઓવરફ્લો થયો છે. ડેમમાંથી લાખો ક્યુસેક પાણી છોડતા મહી ગાંડીતૂર બની છે. આંકલાવનું બામણગામ, ગંભીરા ગામ બેટમાં ફેરવાયું છે. અનેક લોકો ફસાતા SDRFની ટીમો તૈનાત કરાઈ છે. SDRFની ટીમે 24 લોકોને સલામત સ્થળે ખસેડ્યા છે. કેટલાય ગામોમાં ગાય-ભેંસ-બકરાં સહિત પશુ તણાયા છે. અધિકારીઓ ફરજ પર સતર્ક રહેવા સુચના અપાઈ છે.

સરદાર સરોવર ડેમ બાદ કડાણા ડેમ પાણીથી છલોછલ!

આપણે ત્યાં કહેવાય છે ભાદરવો ભરપૂર... ભાદરવા મહિના દરમિયાન સારો વરસાદ જોવા મળતો હોય છે. ત્યારે આ વખતે પણ ભાદરવા મહિના દરમિયાન ગુજરાત રાજ્યમાં સારો વરસાદ જોવા મળી રહ્યો છે. ભારે વરસાદને પગલે અનેક નદીઓમાં નવા નીરની આવક થઈ છે. નવા નીરના વધામણા અનેક જગ્યાઓ પર કરવામાં આવી રહ્યા છે. ત્યારે ગુજરાતમાં પડી રહેલા ભારે વરસાદને કારણે ડેમમાં જળસપાટી સતત વધતી જઈ રહી છે. સરદાર સરોવર ડેમમાં તો પાણીનો જથ્થો આવ્યો છે. અનેક ડેમના દરવાજા ખોલવામાં આવ્યા છે ત્યારે મહીસાગરમાં પણ ભારે વરસાદ વરસી રહ્યો છે.  

 મહીસાગરમાં પાણી છોડાતા આણંદમાં મહી નદી બે કાંઠે વહી રહી છે. ગંભીરા ગામના નીચાણવાળા વિસ્તારમાં મહી નદીના પાણી ફરી વળ્યા છે. આંકલાવ તાલુકાનું ગંભીરા ગામ બેટમાં ફેરવાયું છે. ઘરોમાં પાણી ભરાતા લોકોનાં જીવ તાડવે ચોંટ્યા છે. ગામમાં અચાનક પાણી ભરાતા લોકોની મુશ્કેલી વધી છે. મોડી રાત્રે 17 લોકોનું રેસ્ક્યૂ ઓપરેશન હાથ ધરવામાં આવ્યું હતું.

નદીમાં પાણી આવતા તંત્ર બન્યું એલર્ટ! 

કડાણા ડેમમાં સતત પાણીની આવક થઈ રહી છે. મળતી માહિતી અનુસાર કડાણા ડેમની જળસપાટી 415 ફૂટ પહોંટી છે. 3 લાખ 75 હજાર ક્યુસેક પાણી મહી નદીમાં છોડવામાં આવ્યું છે. નદીમાં પાણી છોડવામાં આવતા અનેક ગામોને એલર્ટ કરાયા છે. મહીસાગર જિલ્લાના 106 ગામોને એલર્ટ કરવામાં આવ્યા છે. પાણીની આવક થતાં તંત્ર પણ ખડેપગે જોવા મળ્યું છે. પોલીસની મદદથી અનેક લોકોનું સ્થળાંતર કરવામાં આવ્યું છે. સતત વરસી રહેલા વરસાદને કારણે જન જીવન અસ્તવ્યસ્ત થઈ ગયું છે.     



21 ફેબ્રુઆરી એટલે વિશ્વ માતૃભાષા દિવસ...આ દિવસે કવિઓ અને લેખકો પોતાનો ભાષા પ્રત્યેનો પ્રેમ અને લાગણી વ્યક્ત કરવા વિશિષ્ઠ પ્રકારના આયોજન કરતા હોય છે, સર્વે સાથે મળીને ભૂતકાળમાં થઈ ગયેલા મહાન સાહિત્યકારો, લેખકો અને કવિઓને તથા તેમની રચનાઓને યાદ કરતા હોય છે.

આજ રોજ તા. 20 ફેબ્રુઆરીનાં રોજ વિધાનસભામાં નાણામંત્રી કનુભાઈ દેસાઈએ ગુજરાતનું વર્ષ 2025-26નું બજેટ રજૂ કર્યુ હતુ. બજેટની કુલ રકમ 3,70,250 કરોડ રુપિયા છે. વર્ષ 2024-25નાં બજેટની કુલ રકમ 3,20,000 કરોડ હતી આ વર્ષે રકમમાં 50,000 કરોડનો વધારો કરવામાં આવ્યો છે.

ભાજપે કુલ 70 બેઠકોમાંથી 48 બેઠક જીતીને 30 વર્ષ બાદ દિલ્લીમાં પોતાની સત્તા સ્થાપી છે. આજ રોજ તા. 20 ફેબ્રુઆરીએ દિલ્લીનાં નવા મુખ્યમંત્રી રેખાબેન ગુપ્તાની શપથ વિધી થશે.

અમેરિકાએ 2025ની શરુઆત જ ત્યાં ગેરકાયદેસર વસતા લોકોને દેશમાંથી હાંકી કાઢવાથી કરી. હાલમાં એક વીડિયો સામે આવ્યો છે કે કેવી રીતે ગેરકાયદેસર પ્રવાસીઓને પાછા મોકલાઈ રહ્યા છે. નાગરિકોએ પોતાની આપવીતી જણાવી કે કેટલા અડધૂત કરીને તેમને પાછા મોકલયા છે.