ગુજરાત ટેલિવવિઝનના વિતેલા યુગની યાદગાર સિરિયલ ફરી રીલીઝ થશે. "‘OHO ગુજરાતી’ OTT પ્લેટફોર્મ પર એક સમયે ઘરેઘરમાં લોકપ્રિય થઈ પડેલી પાંચ ટેલિવિઝન સિરિયલ ફરીથી આવી રહી છે. 21 ઓક્ટોબરથી દર બીજા દિવસે એક નવી સિરિયલ સ્ટ્રીમ થશે, જે કદાચ દિવાળીના સમયનું બેસ્ટ ફેમિલી એન્ટરટેનમેન્ટ સાબિત થશે.

કઈ કઈ સિરિયલ આવશે ??

આજની પેઢીને કદાચ ખ્યાલ પણ નહીં હોય કે અત્યારે જે કલાકાર-કસબીઓ ગુજરાતી-હિન્દી સિનેમા-ટેલિવિઝન અને તખતા પર ધૂમ મચાવી રહ્યા છે તેમણે એક જમાનામાં એકથી એક ચડિયાતી સિરિયલો આપેલી. આવી 13 ચુનંદા સિરિયલો પૈકી 5 સિરિયલો પહેલા તબક્કામાં ‘ઓહો ગુજરાતી’ પર રિલીઝ થશે. 21 ઓક્ટોબરથી દર એકાંતરા દિવસે સ્ટ્રીમ થઈ રહેલી આ સિરિયલોમાં ‘હુતોહુતી’, ‘કાકા ચાલે વાંકા’, ‘આગંતુક’, ‘શોધ’ અને ‘છેલછબીલો’નો સમાવેશ થાય છે.