.jpg "The News Reporter")
ઉત્તર પ્રદેશના પ્રયાગરાજમાં પોલીસ કસ્ટડી દરમિયાન માફિયા-નેતા અતીક અહેમદ અને તેના ભાઈ અશરફની હત્યાના મામલે સુપ્રીમ કોર્ટમાં એક અરજી દાખલ કરવામાં આવી છે. નિવૃત આઈપીએસ અભિતાભ ઠાકુરે સુપ્રીમ કોર્ટને હત્યા મામલે સીબીઆઈ પાસે તપાસ કરાવવાની માગ કરી છે.
અગાઉ પણ થઈ હતી અરજી
આ પહેલા અતીક અહેમદ અને તેના ભાઈ અશરફની હત્યાના મામલે રવિવારે સુપ્રીમ કોર્ટમાં એક અરજી દાખલ કરવામાં આવી હતી. અરજીમાં આ હત્યાકાંડની તપાસ માટે સર્વોચ્ચ અદાલતના પૂર્વ ન્યાયાધીશની અધ્યક્ષતામાં એક સ્વતંત્ર નિષ્ણાત સમિતિની રચનાનો અનુરોધ કરવામાં આવ્યો છે. એડવોકેટ વિશાલ તિવારી દ્વારા દાખલ કરવામાં આવેલી અરજીમાં વર્ષ 2017 બાદથી ઉત્તર પ્રદેશમાં થયેલી 183 અથડામણોની પણ તપાસ કરવાની માગ કરવામાં આવી છે.
