ગાંધીનગરમાં બજેટ સત્રનો આજથી પ્રારંભ થવાનો છે. બજેટ સત્ર શરૂ થાય તે પહેલા વિધાનસભા અધ્યક્ષ શંકર ચૌધરી ચર્ચામાં આવ્યા છે. સત્રની શરૂઆત થાય તે પહેલા શંકર ચૌધરીએ સફાઈ અભિયાનમાં ભાગ લીધો હતો. વિધાનસભા સંકૂલમાં આવેલી પ્રતિમાઓને સાફ કરી હતી. મહાત્મા ગાંધી, સરદાર પટેલ અને વિઠ્ઠલભાઈ પટેલની પ્રતિમાઓની સફાઈ કરતા નજરે પડ્યા હતા.  શંકર ચૌધરીને ત્યાં જોતા સફાઈ કર્મચારીઓ પણ સ્તબ્ધ થઈ ગયા હતા. સફાઈ માટે શંકર ચૌધરીએ હાથમાં ઝાડુ લીધું હતું.

શંકર ચૌધરીએ કરી પ્રતિમાઓની સાફ સફાઈ 

સમગ્ર દેશમાં સફાઈ અભિયાન ચલાવામાં આવી રહ્યું છે. ત્યારે ગુજરાત વિધાનસભા સત્રની શરૂઆત આજથી થઈ ગઈ છે. બજેટ સત્ર હોબાળાથી ભરેલું રહેશે તેવી ચર્ચાઓ ચાલી રહી હતી પરંતુ તે બધા વચ્ચે વિધાનસભા અધ્યક્ષ શંકર ચૌધરી ચર્ચામાં આવ્યા છે. સત્રની શરૂઆત થાય તે પહેલા વિધાનસભા સંકુલમાં સફાઈ અભિયાન ચલાવવામાં આવ્યું હતું જેમાં અનેક પ્રતિમાઓને સાફ કરવામાં આવી હતી. સાફ સફાઈ અભિયાનમાં વિધાનસભા અધ્યક્ષ શંકર ચૌધરી પણ સામેલ થયા હતા અને જાતે સાફ સફાઈ કરી હતી. સાફ સફાઈ કરતો તેમનો વીડિયો સામે આવ્યો છે.