સંસદમાં ગઈકાલથી વિશેષ સત્રનો પ્રારંભ થઈ ચૂક્યો છે. ગઈકાલે આ સત્ર જૂની સંસદમાં મળ્યું હતું પરંતુ હવેથી નવા સંસદ ભવનમાં સત્ર મળશે. વિશેષ સત્રના પહેલા દિવસે એટલે કે ગઈકાલે પીએમ મોદીએ જૂના સંસદ ભવનમાં ભાષણ આપ્યું હતું જેમાં સંસદ ભવન સાથે જોડાયેલી વાતોને યાદ કરી હતી. સંસદ ભવનમાં લેવાયેલા ઐતિહાસિક નિર્ણયોની ચર્ચા કરી હતી. ત્યારે આજથી નવા સંસદ ભવનમાં કાર્યવાહી થશે તે પહેલા જૂના સંસદ ભવનની બહાર સાંસદોએ ફોટો સેશન કર્યું હતું. નવા સંસદ ભવનમાં શિફ્ટ થતા પહેલા રાજ્યસભાના સાંસદ તેમજ લોકસભાના સાંસદોએ સંસદની બહાર ફોટા પડાવ્યા હતા.