ભારતમાં ડોમેસ્ટિક ક્રિકેટ મેચો માટે ટીવી અને ડિજિટલ મીડિયા રાઈટ્સ વેચાઈ ગયા છે. મીડિયા મુજબ, વાયકોમ 18 એ આ રાઈટ્સ જીત્યા છે. તેણે પોતાની બોલી વડે આ રેસમાં ચાલી રહેલા ડિઝની-સ્ટાર, સોની પિક્ચર્સ નેટવર્કને પછાડી દીધા છે. ટીવી અને ડિજિટલ રાઇટ્સ રિલાયન્સ (Viacom18) દ્વારા પાંચ વર્ષ માટે ખરીદવામાં આવ્યા છે. હવે સ્પોર્ટ્સ 18 નેટવર્ક ટીવી પર ટીમ ઈન્ડિયાની હોમ મેચનું લાઈવ પ્રસારણ કરશે. જ્યારે, Jio સિનેમા મોબાઇલ અને લેપટોપ પર ભારતીય ટીમની સ્થાનિક મેચનું લાઇવ સ્ટ્રીમિંગ કરશે.

Congratulations @viacom18 ???? for winning the @BCCI Media Rights for both linear and digital for the next 5 years. India Cricket will continue to grow in both spaces as after @IPL, and @wplt20, we extend the partnership @BCCI Media Rights as well. Together we will continue to…

— Jay Shah (@JayShah) August 31, 2023

ડિઝની અને સોની મીડિયા રેસમાંથી ફેંકાયા

BCCIએ ઈ-ઓક્શન દ્વારા મીડિયા રાઈટ્સ વેચ્યા છે. વાયાકોમ 18 ઉપરાંત, ડિઝની અને સોની મીડિયા રાઈટ્સ ખરીદવાની રેસમાં સામેલ હતા. આ પાંચ વર્ષના શિડ્યુઅલમાં 88 ડોમેસ્ટિક મેચો રમાશે, જેમાં 25 ટેસ્ટ, 27 વનડે અને 36 T20 ઈન્ટરનેશનલ સામેલ છે. આ મેચોમાં ભારતીય મહિલા ટીમની મેચ સામેલ નથી. Viacom 18 ને મહિલા ટીમની મેચો ફ્રીમાં પ્રસારિત કરવાના અધિકારો મળ્યા છે. છેલ્લે વર્ષ 2018 માં, ડિઝની સ્ટારે મીડિયા અધિકારો મેળવ્યા હતા. આ માટે ડિઝનીએ રૂ. 6,138 કરોડ (રૂ. 60 કરોડ પ્રતિ ગેમ) ચૂકવ્યા હતા. આ વખતે Viacom 18 આગામી પાંચ વર્ષ માટે રૂ. 5,966 કરોડ ચૂકવશે. Viacom18 પ્રતિ મેચ રૂ. 67.8 કરોડ (કુલ 88 મેચ) ચૂકવશે.

વાયકોમ આ સ્પોર્ટ્સ ઈવેન્ટ્સનું પ્રસારણ કરશે

આગામી 5 વર્ષ માટે BCCI પાસેથી મીડિયા રાઈટ્સ મેળવતાની સાથે જ, Viacom18 પાસે હવે ઘણી વધુ સ્પોર્ટ્સ ઈવેન્ટ્સનું પ્રસારણ કરવાના અધિકારો છે. તેની પાસે IPL, ટીવી અને વિમેન્સ પ્રીમિયર લીગના ડિજિટલ પ્રસારણ અધિકારો, વર્ષ 2024થી ભારતમાં દક્ષિણ આફ્રિકાની ઘરઆંગણાની મેચોના પ્રસારણ અધિકારો, રોડ સેફ્ટી વર્લ્ડ સિરીઝ, દક્ષિણ આફ્રિકા T20, NBA, શ્રેણી Aના પ્રસારણ અધિકારો છે.