હાશ...સરકારે મતદાન કાર્ડ-આધાર લિંક કરવાની સમયમર્યાદા વધારી, જાણો સમગ્ર પ્રક્રિયા શું છે

Published By :
Published Date : 2023-03-22 13:30:05

મતદાન કાર્ડ-આધાર લિંક કરવાને લઈ લોકોમાં અસમંજસની સ્થિતી પ્રવર્તી રહી છે. જો કે કેન્દ્ર સરકારે લોકોને હવે આ મામલે થોડી રાહત આપી છે. કેન્દ્ર સરકારે વોટર આઈડી અને આધાર કાર્ડને લિંક કરવાની સમયમર્યાદા વધારવાની જાહેરાત કરી છે.

કેન્દ્ર સરકારે કરી ઘોષણા

કેન્દ્ર સરકારે મતદાન કાર્ડ અને આધાર કાર્ડને લિંક કરવાની સમયમર્યાદા વધારતા લોકોએ હાશકારો અનુભવ્યો છે. કેન્દ્ર સરકાર દ્વારા જારી કરવામાં આવેલા નોટિફિકેશનમાં કહેવામાં આવ્યું છે કે હવે આ સુવિધા આવતા વર્ષ સુધી રહેશે અને જો કોઈ કાર્ડ ધારક વોટર આઈડી અને આધારને લિંક કરવામાં નિષ્ફળ જશે તો તેની સામે કોઈ કાર્યવાહી કરવામાં આવશે નહીં. આ કાર્ય સંપૂર્ણપણે સ્વૈચ્છિક છે, જે ઘણી રીતે ફાયદાકારક પણ રહેશે.

એક વર્ષની રાહત મળી

સરકારે એક નોટિફિકેશન બહાર પાડીને કહ્યું છે કે અત્યાર સુધી વોટર આઈડી અને આધારને લિંક કરવાની છેલ્લી તારીખ 1 એપ્રિલ, 2023 હતી, જે હવે વધારીને 31 માર્ચ, 2024 કરવામાં આવી છે. એટલે કે કાર્ડ ધારકોને આ કામ પૂર્ણ કરવા માટે પૂરા 1 વર્ષનો વધારાનો સમય આપવામાં આવ્યો છે. સરકારે એમ પણ કહ્યું છે કે આધાર અને વોટર આઈડીને લિંક કરવાનું કામ સંપૂર્ણપણે સ્વૈચ્છિક છે અને તેને ફરજિયાત બનાવવામાં આવ્યું નથી. જો કોઈ વ્યક્તિ આ કામ પૂર્ણ કરવામાં નિષ્ફળ જશે તો તેની સામે કોઈ કાર્યવાહી કરવામાં આવશે નહીં. જો કે ચૂંટણી પંચે બંને કાર્ડને લિંક કરવાના ઘણા ફાયદા પણ જણાવ્યા છે. પંચનું કહેવું છે કે આનાથી સાચા મતદારની ઓળખ અને એક જ લોકસભા મતવિસ્તારમાં એક જ નામના બે રજિસ્ટ્રેશનને અટકાવી શકાય છે.

કોલ અને SMSથી થશે કામ

મતદાર આઈડી કાર્ડ અને આધાર કાર્ડનું લિન્કિંગ ઓનલાઈન અને ઓફલાઈન બંને રીતે થઈ શકે છે. જો તમે ઈચ્છો તો મોબાઈલથી મેસેજ મોકલીને અથવા કોલ કરીને પણ લિંક કરવાનું કામ પૂર્ણ કરી શકો છો. SMS દ્વારા લિંક કરવા માટે, તમારા આધાર અને મતદાર ID નંબરને 166 અથવા 51969 પર SMS કરો. આ માટે, ECILINK<SPACE><EPIC No.><SPACE><Aadhaar No.> ના ફોર્મેટમાં એક સંદેશ મોકલવાનો રહેશે. જો તમે ઇચ્છો તો, તમે સવારે 10 વાગ્યાથી સાંજના 5 વાગ્યા સુધી 1950 નંબર પર કૉલ કરી શકો છો અને તમારો મતદાર આઈડી અને આધાર નંબર જણાવીને તેને લિંક કરી શકો છો.

ઑફલાઇન પણ થઈ શકે છે લિંક

ઑફલાઇન મોડ દ્વારા આધાર અને મતદાર ID ને લિંક કરવા માટે, તમારે તમારા બૂથ લેવલ ઓફિસર (BLO) ને અરજી કરવી પડશે. BLO તેની ચકાસણી કરશે અને પછી તમારા બંને દસ્તાવેજોની લિંક રેકોર્ડમાં દેખાવા લાગશે. તમે NVSP વેબસાઇટ પર તમારું EPIC દાખલ કરીને BLO વિશે માહિતી મેળવી શકો છો.

ઑનલાઈન પણ થઈ શકે છે

સૌથી પહેલા સત્તાવાર વેબસાઇટ nvsp.in પર જાઓ.

લોગ ઈન કર્યા પછી, હોમ પેજ પર સર્ચ ઇન ઈલેક્ટોરલ રોલ વિકલ્પ શોધો.

વ્યક્તિગત વિગતો અને આધાર નંબર દાખલ કરો.

રજીસ્ટર્ડ મોબાઈલ નંબર પર OTP આવશે.

તમે OTP દાખલ કરશો કે તરત જ તમારું આધાર કાર્ડ અને વોટર આઈડી કાર્ડ લિંક થઈ જશે.

થોડાક સમય પેહલા દિલ્હીથી છટ્ઠ પૂજા નિમિતે એવા દ્રશ્યો સામે આવ્યા હતા કે લોકો જયારે યમુનામાં પૂજા વિધિ કરવા ઉતરતા તો સફેદ ફીણ જોવા મળતું હતું . પરંતુ હવે આ દ્રશ્યો ભૂતકાળ બનશે . કેમ કે વડાપ્રધાન નરેન્દ્ર મોદીએ યમુના નદીની સ્વછતા અને કાયાકલ્પની કામગીરી કેટલે પહોંચી છે તે જાણવા એક રીવ્યુ મીટીંગનું આયોજન કર્યું હતું. આ મિટિંગ વડાપ્રધાન નરેન્દ્ર મોદીના નિવાસસ્થાન ૭ લોક કલ્યાણ માર્ગ પર યોજાઈ હતી. જેમાં કેન્દ્રમાં જળ શક્તિ મંત્રી સી આર પાટીલ , દિલ્હીના મુખ્યમંત્રી રેખા ગુપ્તા અને અન્ય અધિકારીઓ હાજર રહ્યા હતા.

2025-04-18 13:34:17

આપણો પાડોશી દેશ પાકિસ્તાન જે ખુબ મોટી આર્થિક પાયમાલીમાંથી પસાર થઇ રહ્યો છે સાથે જ તેના ઘણા પ્રાંતોમાં જેમ કે બલુચિસ્તાન અને પાકિસ્તાન ઓક્યુપાઈડ કાશ્મીરમાં જબરદસ્ત અલગાવવાદી હિંસક દેખાવો થઈ રહ્યા છે તેમ છતાં તેમના આર્મી જનરલ અસીમ મુનીરે હિન્દૂઓ માટે ટિપ્પણી કરી છે. વાત કરીએ અમેરિકાના રાષ્ટ્રપતિ ડોનાલ્ડ ટ્રમ્પની તો તેઓ જાણે કોઈ આંકડાકીય રમત ચાઇના સાથે રમી રહ્યા હોય તેવું લાગી રહ્યું છે. હવે તેમણે ચાઈના પર ટેરિફ વધારીને ૨૪૫% કરી દીધો છે. તો બીજી તરફ ચાઈનાએ કહી દીધું છે કે , અમને એક ચોક્કસ આંકડો આપી દો. વાત કરીએ ભારતની તો , છેલ્લા ચાર વર્ષમાં કેનેડા , અમેરિકા અને યુનિટેડ કિંગડમ જવાવાળા વિદ્યાર્થીઓમાં જોરદાર ઘટાડો નોંધાયો છે.

2025-04-17 15:53:28

અમેરિકાની પ્રખ્યાત હાવર્ડ યુનિવર્સીટીને મળતું ફેડરલ ફંડ ટ્રમ્પ સરકાર દ્વારા અટકાવી દેવામાં આવ્યું છે. જેનાથી સમગ્ર અમેરિકા સહીત ત્યાં અભ્યાસ કરતા આંતરરાષ્ટ્રીય વિદ્યાર્થીઓમાં ખળભળાટ મચી ગયો છે. જોકે હાવર્ડ યુનિવર્સિટીનું તંત્ર ટ્રમ્પ સરકારની કોઈ વાત માનવા તૈયાર નથી . વાત ચાઈનાની તો , ચાઇના અમેરિકાના રેસિપ્રોકલ ટેરિફને લઇને જોરદાર રીતે ગુસ્સે ભરાયેલું છે તેવા સંજોગોમાં તેણે અમેરિકાની બોઇંગ કંપનીના વિમાન લેવાનું માંડી વાળ્યું છે. પશ્ચિમ એશિયાનો દેશ સાઉદી અરેબિયા જેણે હવે સિરિયાની નવી સરકારનું દેવું ચૂકવવાનું નક્કી કર્યું છે. તેનાથી અમેરિકા ગુસ્સામાં છે.

2025-04-16 15:19:57

Once again Rahul Gandhi has come to Gujarat, this is his third visit in 37 days. There is discussion all over Gujarat, many people say that there will be a rebirth of Congress in Gujarat. It is said that nothing will change after these visits, otherwise the reasons and issues will be discussed in detail. Due to which there is optimism in Congress!

2025-04-15 18:47:19

Jamawat Media ગુજરાતનું પહેલું ડિજીટલ માધ્યમ જે તમારી ભાષામાં તમને જરૂરી સમાચાર આપે છે, માત્ર સમાચાર નહીં પણ ગુજરાતને જરૂરી વિચાર અને અભિપ્રાયો પણ હોય છે, ક્યારેક સત્તા સુઈ જાય તો એને ઢંઢોળે છે, ક્યારેક વિપક્ષની આળસને પડકારે છે, તમારા પ્રશ્નો ના સંભળાય ત્યાં પોતે વિપક્ષ બની જાય છે, અને જનતા રાજનીતિક ચશ્મા પહેરીને દંભી બનતી જાય તો તમારી અંદરના નાગરીકને પણ ઢંઢોળે છે, જમાવટ તમને મોજ આપશે, સંતોષ આપશે, મજા કરાવશે પણ તમારી અંદર દેશ માટેના કર્તવ્ય અને નાગરીકના અધિકારોની ચેતના જીવંત રાખશે

© 2023 Jamawat.

Website Design & Developed By Seawind Solution Pvt. Ltd - web design Ahmedabad | web development Ahmedab