ગુજરાતમાં આ વખતે ભાજપે ઐતિહાસિક જીત હાંસલ કરી છે. 182માંથી 156 સીટો ભાજપના ફાળે ગઈ છે. ત્યારે આ વખતે વિધાનસભામાં એવી અનેક ઘટનાઓ ઘટી છે જે ઈતિહાસમાં પ્રથમ વખત બની હોય. વિધાનસભામાં ધામધૂમથી ધુળેટી પર્વની ઉજવણી કરવામાં આવી હતી. અનેક ધારાસભ્યોએ ઉજવણીમાં ભાગ લીધો હતો ત્યારે ઈતિહાસમાં પ્રથમ વખત ધારાસભ્યો વચ્ચે ક્રિકેટ મેચનું આયોજન કરવામાં આવ્યું છે. 20 માર્ચ બાદ ક્રિકેટ ટુર્નામેન્ટ યોજાશે. 

20 માર્ચ બાદ યોજાશે ક્રિકેટ ટુર્નામેન્ટ 

વિધાનસભામાં પ્રથમ વખત ધૂળેટીનું પર્વનું આયોજન આ વર્ષે કરવામાં આવ્યું હતું. ધારાસભ્યોએ એકબીજા પર રંગ લગાવ્યો હતો. ત્યારે વધુ એક નિર્ણય લેવામાં આવ્યો છે ઈતિહાસમાં પ્રથમ વખત લેવામાં આવ્યો છે. વિધાનસભા સત્ર પૂર્ણ થાય તે બાદ ક્રિકેટ ટુર્નામેન્ટનું આયોજન કરવામાં આવ્યું છે. ધારાસભ્યોની ટીમમાં વિધાનસભાના અધિકારી તેમજ કર્મચારીઓ પણ રમશે. ક્રિકેટ ટુર્નામેન્ટમાં ધારાસભ્યોની 9 ટીમ બનાવાશે.