હિમાચલ પ્રદેશમાં વિધાનસભા ચૂંટણીના ચાર દિવસ પહેલા જ કોંગ્રેસને મોટો ઝટકો લાગ્યો છે. હિમાચલ પ્રદેશ કોંગ્રેસના પૂર્વ મહાસચિવ ધર્મપાલ ઠાકુર ખંડ સહિત 26 નેતા ભાજપમાં જોડાઈ ગયા છે. 

હિમાચલ કોંગ્રેસમાં ભંગાણ

કોંગ્રેસના તમામ 26 નેતા હિમાચલ પ્રદેશના મુખ્યમંત્રી જયરામ ઠાકુર અને ભાજપના રાજ્ય ચૂંટણી પ્રભારી સુધુન સિંહની હાજરીમાં ભાજપમાં જોડાયા હતા. શિમલાથી ભાજપના ઉમેદવાર સંજય સૂદ પણ આ કાર્યક્રમમાં હાજર રહ્યા હતા. પર્વતીય રાજ્ય હિમાચલ પ્રદેશમાં વિધાનસભાની 68 બેઠકો છે. હિમાચલમાં ફક્ત એક તબક્કામાં મતદાન થશે. 12 નવેમ્બરે મતદાન થશે અને 8 ડિસેમ્બરે મતગણતરી થશે.